PatrolPH

Nigerian nahulihan ng P27-M halaga ng droga sa Bacoor

Anjo Bagaoisan, ABS-CBN News

Posted at Oct 14 2021 06:32 AM | Updated as of Oct 14 2021 06:45 AM

Watch more on iWantTFC

MAYNILA—Tiklo ang isang Nigerian citizen sa entrapment operation ng Philippine Drug Enforcement Agency (PDEA) at pulisya sa lungsod ng Bacoor, Cavite Martes ng gabi.

Ayon sa PDEA, sangkot umano sa pagbebenta ng ilegal na droga ang 30-anyos na suspek.

Nakipagkita ang mga operatiba sa kaniya sa Cerritos Heights Road, Barangay Molino IV pasado alas-9 ng gabi.

Sabi ng ahensya, natunton siya dahil sa pasahan ng impormasyon ng Bureau of Customs sa Port of Clark, PDEA Central Luzon at PDEA.

Nabawi sa banyaga ang 2 paper bag na may 4 na tig-isang kilong balot ng shabu na tinatayang may halagang P27.2 milyon.
 
Nahaharap ang suspek sa kasong paglabag sa Dangerous Drugs Act.

Inaalam pa ang pinagmulan ng nasabat na shabu.

Bisitahin ang Patrol.PH para sa iba pang mga balita.