#WalangTubig: 20 barangay sa QC, apektado ng Manila Water interruption

ABS-CBN News

Posted at Oct 13 2018 04:29 PM

Nasa 20 barangay sa Quezon City ang pansamantalang mawawalan ng suplay ng tubig simula nitong gabi ng Sabado hanggang umaga ng Linggo. 

Mula alas-11 ng gabi ng Oktubre 13 hanggang alas-7 ng umaga ng Oktubre 14 mawawalan ng tubig sa mga barangay dahil isasara ang valve ng isang malaking transmission line ng Manila Water para sa ginagawang MRT-7 Project. 

Mararanasan ng mahigit 40,000 kabahayan at establisimyento ang nasabing water interruption. 

Narito ang mga apektadong barangay: 

  • Ramon Magsaysay
  • Botocan
  • Alicia
  • Central
  • Santo Cristo
  • Malaya
  • Bagong Pag-Asa
  • Pinyahan
  • Old Capitol Site
  • Sikatuna Village
  • Vasra
  • San Vicente
  • Project 6
  • Teachers Village East
  • Culiat
  • Teachers Village West
  •  Bahay Toro
  • UP Village
  • Tandang Sora
  • Pasong Tamo

Pinapayuhan ang mga residente sa mga naturang lugar na mag-ipon ng tubig.
 

Bisitahin ang Patrol.PH para sa iba pang mga balita.