9 patay, 7 sugatan sa sumiklab ng 'riot' sa Bilibid

ABS-CBN News

Posted at Oct 09 2020 07:57 PM

MAYNILA — Patay ang 9 na preso at sugatan ang 7 iba pa matapos sumiklab ang umano'y riot sa New Bilibid Prison sa Muntinlupa nitong Biyernes ng madaling araw.     

Ayon kay Bureau of Corrections (BuCor) spokesperson Gabriel Chaclag, nagsimula ang riot sa pagitan ng "Sputnik" at "Commando" gangs sa may east quadrant ng maximum security compound ng Bilibid bandang ala-1 ng madaling araw.
    
Agad naman daw itong napigilan ng mga awtoridad at hindi na kumalat sa ibang quadrants.

Anim sa mga nasawi ay miyembero umano ng Sputnik, 2 naman mula sa Commando, at isa mula sa hindi pa matukoy na grupo.

Inaalam pa ng BuCor kung ano ang pinagmulan ng anila'y riot.

"Initial reports may mga may stab wounds, may mga wounds na caused by blunt objects. Hindi pa confirmed ang gunshot wound. Hinihintay pa natin ang official report ng health service," sabi ni Chaclag.

—Mula sa ulat ni Bianca Dava, ABS-CBN News

Bisitahin ang Patrol.PH para sa iba pang mga balita.