Duterte, ipinag-utos sa DOH na ipamahagi ang mga medisinang mag-e-expire na — Malacañang

ABS-CBN News

Posted at Oct 06 2020 06:02 PM

A pharmacist from Sta Ana Hospital in Manila on August 8, 2020 shows the anti-flu drug Favipiravir (brand name Avigan) donated by Japan which will be used to treat severe cases of the new coronavirus. Philippine authorities are gearing up to test Avigan for clinical trials as a potential treatment for COVID-19. ABS-CBN News

MAYNILA — Inihayag ng Malacañang ngayong Martes na may utos si Pangulong Rodrigo Duterte sa Department of Health (DOH) na ipamahagi na ang mga medisinang malapit na umanong mag-expire. 

Ito’y matapos lumabas sa report ng Commission on Audit (COA) na nasa P2.2 bilyon ang umano’y halaga ng mga medisina na hawak ng DOH na expired na o di kaya’y malapit na mag-expire. 

Tinanong ng Malacanang ang Department of Health tungkol dito, at nilinaw aniya ni Usec. Maria Rosario Vergiere na nasa P13 million pesos lang na gamot ang nag-expire, nasa P1.2 billion ang overstock, at habang nasa P1.2 billion rin ang malapit na mag-expire. 

Dagdag ni Roque, ayaw ng pangulo na masayang ang mga gamot na ito. 

“Ang mandato po ng presidente sa DOH, lalo na iyong mag-e-expire na, paki-distribute na po para hindi po masayang. At iyong mga overstock at slow moving naman po eh ilabas na po natin sa mga warehouse nang magamit ng ating taumbayan,” aniya. 

--- Ulat ni Joyce Balancio, ABS-CBN News
 

Bisitahin ang Patrol.PH para sa iba pang mga balita.