Alokasyon ng tubig sa Metro Manila muling ibababa sa Oktubre

ABS-CBN News

Posted at Sep 29 2020 10:15 AM

MAYNILA - Ibababa ang alokasyon ng tubig sa Metro Manila simula Oktubre 1 dahil sa patuloy na pagsadsad ng water level sa Angat Dam, ayon sa National Water Resources Board (NWRB). 

Ang Angat Dam ang pangunahing pinagkukuhanan ng water supply sa Metro Manila ng mga water concessionaire sa lugar. 

Ayon kay NWRB Exec. Dir. Sevillo David Jr, ibababa ulit sa 44 cubic meters per second ang alokasyon sa Kamaynilaan. 

“Considering the level of Angat Dam at around 3 meters below the minimum operating level of 180 meters and to manage the relatively low level of the dam, the Board approved the allocation of 44 meters per second for MWSS and 25 cms for NIA for the month of October,” ani David sa pahayag.

Noong Setyembre ay ibinaba na ng ibinaba ng NWRB sa 46 cms ang alokasyon ng tubig sa Metro Manila mula 48 cms dahil sa pagbaba ng water level sa naturang dam. 

-- Ulat ni Raya Capulong, ABS-CBN News

Bisitahin ang Patrol.PH para sa iba pang mga balita.