Halos 100 hinuli matapos mahuling lumalabag sa quarantine protocols sa QC

Jervis Manahan, ABS-CBN News

Posted at Sep 24 2020 05:39 AM

MAYNILA - Halos 100 tao, kabilang ang mahigit 20 kabataan, ang hinuli ng mga awtoridad dahil sa paglabag sa quarantine protocols sa Quezon City nitong Miyerkoles.

Nag-ikot ang mga pulis sa 12 barangay sa lungsod at dinampot nila ang mga walang suot na facemask, mga lumalabag sa curfew, at mga hindi sumusunod sa physical distancing.

Napuno ang basketball court ng Brgy. San Isidro sa dami ng mga nahuli.

Aminado ang iba na nakatambay sa labas na walang mask. May isang nagkape sa labas at may isang nakipag-chess.

Pinasabihan ang mga nahuli at binigyan ng lecture. Ipinatubos naman din sila sa kanilang mga magulang.

Posibleng magmulta ang mga nahuli ng P300 hanggang P1000.

Bisitahin ang Patrol.PH para sa iba pang mga balita.