Retrato mula sa Talaingod Municipal Police Station
Patay ang isang construction worker habang sugatan ang 8 niyang kasama nang madisgrasya ang sinasakyan nilang dump truck sa Talaingod, Davao del Norte noong Sabado.
Dead on arrival sa ospital si Jay Gallo habang ginagamot pa rin ang 8 kasamahan niyang nasugatan, kasama ang truck driver.
Batay sa imbestigasyon, binabaybay ng truck na may kargang mga boulder ang Bukidnon-Talaingod, Davao del Norte Road at patungo sana sa Tagum City.
Pero pagdating sa isang sitio, napansin umano ng driver na nawalan ng preno ang dump truck kaya gumewang-gewang ito at nawalan ng kontrol.
Natumba sa gilid ng kalsada ang truck pati na ang karga nitong boulders.
Patuloy ang imbestigasyon ng Talaingod police sa insidente.
— Ulat ni Hernel Tocmo
FROM THE ARCHIVES
Bisitahin ang
Patrol.PH para sa iba pang mga balita.