Babaeng natutulog sa ilalim ng tulay, na-trap sa rumaragasang ilog

Nailigtas ng mga residente ang isang babaeng natutulog sa ilalim ng tulay at inabutan ng pagragasa ng Lipadas River sa Toril, Davao City matapos ang malakas na ulan, Sabado ng hapon.
 
Nailigtas ang babae matapos nitong itali ang sarili sa lubid at hilahin ng mga residente. Sinuong ng babae ang malakas na agos ng tubig hanggang sa nakatawid ito sa gilid ng ilog.
 
Umabot sa Code Red ang Lipadas River dahil sa taas ng tubig kahapon.
 
Nagpatupad ng preemptive evacuation ang mga rescuers sa mga nakatira sa gilid ng ilog, pero pinauwi rin nang bumuti ang lagay ng panahon.
 
Nakaranas ng malakas na pag-ulan ang Davao City kahapon dahil sa localized thunderstorms.

• ITCZ nakaaapekto sa Mindanao

 
- ulat ni Hernel Tocmo