PatrolPH

Lalaki tiklo matapos gawing 'palikuran' ang bahagi ng Manila Bay

ABS-CBN News

Posted at Sep 12 2020 09:33 PM

Watch more on iWantTFC

Nahuli ang isang lalaking ginawang palikuran ang Manila Bay ngayong Sabado habang nagsasagawa ng clean-up ang mga awtoridad.

Ayon kay Department of Environment and Natural Resources spokesman Benny Antiporda, nahuli ito bandang umaga ng Sabado. 

"Na-confirm namin na between 7 o' clock o 6 o' clock to 9 o' clock talagang ang daming dumudumi sa Manila Bay na 'yan may nahuli kaming isang mama," ani Antiporda. 

Nahuli ito ng mga awtoridad habang nagsasagawa ng clean-up drive sa Manila Bay. 

Sa isang pahayag, sinabi ni Department of the Interior and Local Government Secretary Eduardo Ano na oras na makumpleto ang proyekto ay mae-enjoy na ang white sand sa Manila Bay. 

Giit din nila na ligtas ito taliwas sa mga naging agam-agam sa paggamit ng dolomite na umano’y delikado. 

Dumepensa rin si Antiporda sa paggastos sa rehabilitasyon ng Manila Bay. — Ulat ni Henry Atuelan, ABS-CBN News 

Bisitahin ang Patrol.PH para sa iba pang mga balita.