Gobyerno wala raw online trolls, ayon sa PCOO official

MAYNILA — Itinanggi ng Communications office ng pamahalaan na may pinapasahod silang online trolls na bumabanat sa mga kritiko ng gobyerno.

• Patient Zero: PH creative, digital workers being used to spread disinformation
• Fake medical news site benefited from Philippine trolls farms, says report

Sa panayam ng TeleRadyo kay Presidential Communications Operations Office (PCOO) Assistant Secretary Kris Ablan, sinabi nitong "content" ang ginagawa ng kanilang unit at hindi online trolling.

"Wala po kaming trolls. Ang meron pong unit namin 'yung social media unit na gumagawa ng content. Wala pong nagmo-monitor, content po ang ginagawa," ani Ablan.

Samantala, sinabi ni Ablan na balak kausapin ni PCOO Secretary Martin Andanar si Undersecretary Lorraine Badoy.

Inakusahan kasi si Badoy ng ilang mambabatas ng "red tagging," dahilan para suspendihin ang hearing noong Miyerkoles para sa hirit nilang budget.

• Panukalang PCOO budget inipit dahil sa reklamong 'red tagging'

Nilinaw din ni Ablan na personal itong opinyon ng naturang opisyal.

Balak din nilang kausapin ang Makabayan bloc para magpaliwanag ukol sa mga kuwestiyonableng posts ni Badoy.