TFC News

5 stranded Pinoys sa Poland, nakauwi na sa Pilipinas

Jerome Fadriquela | TFC News

Posted at Sep 09 2021 11:08 PM | Updated as of Sep 09 2021 11:17 PM

MANILA - Dalawang Pinay na nagdadalang-tao ang kasama sa limang distressed overseas Filipinos na natulungan ng DFA na makauwi sa Pilipinas noong August 30, 2021.

Ayon sa Office of the Undersecretary for Migrant Workers’ Affairs (DFA-OUMWA) at Philippine Embassy sa Warsaw, na-stranded ang limang Pilipino sa Poland dahil sa walang makuhang flights ng ilang linggo dahil sa COVID-19 travel restrictions.

Pinoy repatriates mula Poland
Natulungan ng Philippine Embassy sa Warsaw na makauwi ng Pilipinas ang limang distressed OFWs sa Poland (Warsaw PE photos)

Nakalipad lang ang lima nang isinabay sila ng DFA-OUMWA sa special repatriation flight mula Doha Qatar, lumapag sa Maynila ang limang repatriates noong August 31, 2021.

Para sa mga nagbabagang balita tungkol sa ating mga kababayan sa Europe, tumutok sa TFC News sa TV Patrol.