PatrolPH

San Pedro, Laguna humihingi ng karagdagang bakuna kontra COVID-19

ABS-CBN News

Posted at Sep 07 2021 12:04 PM | Updated as of Sep 07 2021 12:45 PM

Watch more News on iWantTFC

MAYNILA—Humihingi ng karagdagang bakuna ang bayan ng San Pedro, Laguna para panlaban sa COVID-19.

Ayon kay San Pedro Mayor Lourdes Cataquiz, kasalukuyang merong 938 na kaso ng COVID-19 ang siyudad.

Nahihirapan din aniya ang mga ospital dahil sa dami ng pasyente na umaabot ng 100.

"Sana nga eh mabiyayaan kami ng mga vaccine ng madami at para sa kabataan. Para maihanda namin sila sa pagpasok ng face-to-face," aniya sa panayam sa Teleradyo nitong Martes.

Ani Cataquiz, naghahanda na rin ang lokal na pamahalaan para sa planong limitadong in-person classes.

Ang lalawigan ng Laguna ay mananatili sa modified enhanced community quarantine mula Setyembre 8 hanggang 30.

Bisitahin ang Patrol.PH para sa iba pang mga balita.