Nasa 100 pamilya apektado ng sunog sa Malabon

Jeffrey Hernaez, ABS-CBN News

Posted at Sep 05 2020 10:27 PM | Updated as of Sep 06 2020 05:55 PM

MAYNILA - Aabot sa 100 pamilya ang nawalan ng tahanan sa sunog sa Bronze St., Barangay Tugatog, Malabon City nitong Sabado.

Ayon sa Bureau of Fire Protection (BFP), pasado alas-6 ng hapon nagsimula ang sunog at agad na itinaas sa ikalawang alarma. 

Alas-8:29 na ng gabi nang makontrol ang apoy at natupok ang nasa 35 bahay.

Watch more in iWant or TFC.tv

Inaalam pa ng mga awtoridad ang sanhi ng sunog, ngunit hinala ng ilang residente, nagsimula ito sa naiwang sinaing o naka-charge na cellphone sa kanilang kapitbahay.

Dahil sa malakas na hangin, mabilis na kumalat ang apoy sa ibang bahay. Nahirapan ding makalapit ang mga bombero dahil masikip ang kalsada. 

Aabot sa P430,000 ang halaga ng danyos sa insidente. Pansamantalang mananatili ang mga apektadong pamilya sa basketball court ng barangay.

Bisitahin ang Patrol.PH para sa iba pang mga balita.