Mga residente sa Calanan, pinayuhang lumikas

Melinda Ramo, ABS-CBN News

Posted at Aug 26 2017 03:04 PM

Tubig sa Ilog Chico sa Barangay Calanan, Tabuk, Kalinga, binabantayan ng mga lokal na opisyal habang apektado ang lugar ng bagyong "Jolina." Melinda Ramo, ABS-CBN News

TABUK, Kalinga – Pinayuhan ng mga awtoridad ang mga residente ng Tullao, Calanan na lumikas na sa mas mataas na lugar matapos tumaas ang lebel ng tubig sa barangay.

Pinangangambahan umano ng mga awtoridad na umabot ang tubig sa mga kabahayan dahil sa ulang dala ng bagyong "Jolina".

Isang riprap ang nagawa noong nakaraang linggo para maagapan ang pag-anod ng tubig. Gayunpaman, hindi pa natatapos ang riprap sa palayan, kaya nangangamba ang mga residente na ito na ang sumunod na anurin ng ilog kung magtutuloy-tuloy ang pag-ulan.

Noong nakaraang taon, dalawang bahay sa naturang barangay ang inanod ng tubig mula sa umapaw na Ilog Chico noong kasagsagan ng tag-ulan.