PatrolPH

7 lugar sa Muntinlupa, nananatiling naka-lockdown pagpasok ng MECQ

Anjo Bagaoisan, ABS-CBN News

Posted at Aug 20 2021 07:58 AM

Watch more on iWantTFC

MAYNILA—Nadagdagan ang 2 lugar sa Muntinlupa City sa mga isinailalim sa 2 linggong total lockdown bilang pagpigil sa tumataas na kaso ng COVID-19.

Unang nag-anunsyo ng extreme localized community quarantine (ELCQ) Huwebes ng tanghali sa 5 kalye sa Katarungan Village, isang private subdivision sa Barangay Poblacion.

Ayon sa Muntinlupa city health office, nakapagtala ng 17 aktibong kaso sa lugar noong Miyerkules. 

Nakatira pa ang maraming high-risk group tulad ng senior citizen, kabataan, at buntis.

Nilagyan ng harang ang mga naturang kalye at pinagbawalan nang lumabas ang mga residente puwera kung may emergency.

Simula naman alas-6 ng gabi Huwebes idineklara ang ELCQ sa Building 17 ng Filinvest Socialized Housing. 

Ikinandado ang lahat ng lagusan sa gusali, pwera ang isa kung saan idinadaan ang ayuda.

Isang gusali lang at hindi ang buong complex ang ini-lockdown. 

Nagkaroon na kasi ng 7 aktibong kaso ng COVID sa mahigit 100 residente ng Building 17. 

Kabilang sa mga nasa ilalim ng ELCQ ang mga sumusunod na lugar:

Mula Agosto 19 hanggang Setyembre 2:

  • Katarungan Village, Brgy. Poblacion: 
  • Angelo Street
  • Horrileno Street
  • Endencia Street
  • Paredes Street 
  • Barrera Street
  • Building 17, Filinvest Socialized Housing, Barangay Alabang

Tatagal hanggang September 2 ang lockdown sa mga kalye ng Katarungan Village at Building 17.

Agosto 10 hanggang 25:

  • Chico Street, Laguerta, Barangay Tunasan

Agosto 12 hanggang 26:

  • Block 8, Hills View 
  • Mangga Street Lakeview Homes, Barangay Putatan 

Agosto 6 hanggang 27:

  • Purok 3, Molera Compound, Barangay Sucat
  • Purok 7, Beatriz Compound, Barangay Alabang
  • De Mesa L & B Street, Barangay Alabang

Nakakasa naman ang pamamahagi ng relief goods, tulad ng food pack at hygiene kits, mula sa lokal na pamahalaan at barangay.

Magsasagawa pa ng mass testing at contact tracing.

Nakabantay naman ang mga pulis at tanod sa paglabas ng mga residente. 

Bisitahin ang Patrol.PH para sa iba pang mga balita.