Jeepney driver patay matapos tambangan sa kahabaan ng EDSA

Arra Perez, ABS-CBN News

Posted at Aug 11 2020 06:38 PM

MAYNILA — Dead-on-the spot ang isang jeepney driver na sakay ng van matapos siyang pagbabarilin sa may EDSA northbound, malapit sa kanto ng East Avenue sa Quezon City nitong Martes.

Isang jeepney driver ang biktima at residente ng Barangay Pinyahan.

Kuwento ng driver ng van at isa ring jeepney driver na si Michael Cruz, galing sila ng biktima sa Kamuning Police Station at may dinalaw na preso. 

Pauwi na sila nang tapatan ng salarin ang passenger seat ng van at pagbabarilin ang biktima.

Ayon sa pulisya, sakay ng motorsiklo ang nag-iisang gunman.

Iniimbestigahan na ang motibo sa krimen.

Bisitahin ang Patrol.PH para sa iba pang mga balita.