TINGNAN: Nobela ng Catalan writer tungkol sa Pilipinas, inilunsad

BARCELONA - Inilunsad kamakailan ang nobelang “Las Fragrancias Olvidadas de Ultramar” sa Philippine Consualte General Barcelona ng Catalán author na si Josep Torrents Comas.

Ang nobela ay tungkol sa paghahanap ng mga mananaliksik ng bagong aroma mula sa mga bulaklak sa Pilipinas noong sakop pa ng Espanya ang bansa.

Tinalakay din sa nobela ang pagbagsak ng imperyo ng Espanya at ang pagtatapos ng kanilang pananakop sa Pilipinas. 

Sa book launch, ikinuwento ni Torrents ang kanyang naging karanasan habang sinusulat ang nobela, gaya ng kanyang mga alaala tungkol sa Pilipinas, at kung paano rin umusbong ang kaniyang interés at paghanga kay Dr. Jose Rizal.

Para sa mga nagbabagang mga balita tungkol sa ating mga kababayan sa Spain, tumutok sa TFC News sa TV Patrol.