TFC News

2 linggong lockdown, pinaiiral sa Cambodia

TFC News Cambodia

Posted at Aug 02 2021 03:06 PM

CAMBODIA -- Inanunsiyo ng Embahada ng Pilipinas sa Cambodia ang dalawang linggong lockdown sa bansa sa walong probinsiya bilang pagsugpo sa mabilis na pagkalat ng COVID-19 Delta variant.  

Ang mga sumusunod na probinsiya ang sumasailalim sa lockdown na nagsimula noong ika-29 ng Hulyo at tatagal hanggang ika-12 ng Agosto, 2021:

  • Koh Kong
  • Pursat
  • Battambang
  • Pailin
  • Banteay Meanchey
  • Oddar Meanchey
  • Preah Vihear
  • Siem Reap
2 linggong lockdown, pinaiiral sa Cambodia 1
8 probinsiya sa Cambodia na sumasailaim sa lockdown hanggang August 12, 2021

Nahahati sa tatlong klasipikasyon ang lockdown sa Cambodia at ang mga provincial governor ang magtatakda kung anong klaseng zonal classification ang kanilang ipatutupad sa mga nasasakupan. 

2 linggong lockdown, pinaiiral sa Cambodia 2
Zonal classification sa Cambodia

Sa pinakahuling tala ng WHO Cambodia noong ika-30 ng Hulyo, 2021, pumalo na sa 75,917 ang kumpirmadong COVID-19 positive sa bansa habang 1,350 na ang nasawi. 

 “Cambodia is at a critical moment. The Government has taken some tough decisions including the lockdowns in eight border provinces and the launch of the national campaign as important steps in fighting the pandemic, especially in response to the Delta variant,” pahayag ng WHO Cambodia

Pinaaalalahanan ng Embahada ang mga kababayan sa Cambodia na laging mag-antabay ng mga bagong anunsiyo mula sa kanilang official website patungkol sa COVID-19 situation