Magkapatid patay sa sunog sa Sorsogon

Patay ang magkapatid na babae matapos ma-trap sa loob ng nasusunog nilang bahay sa Matnog, Sorsogon, gabi ng Sabado, ayon sa mga awtoridad.

May edad 18 at 11 ang magkapatid na pumanaw sa sunog sa Barangay Tablac.

Nakaligtas pero sugatan sa insidente ang ina ng mga biktima.

Ayon sa imbestigasyon ng Bureau of Fire Protection (BFP), hindi na nakalabas ng kanilang bahay ang magkapatid dahil mabilis na sumiklab ang apoy malapit sa main door.

Posible umanong sanhi ng sunog ang nakasinding kandila na inilagay malapit sa mga nakatambak na galon ng gasolina sa kusina.

"Ang nangyari po, parang nagsalin ng gasolina 'yong nanay. Tapos parang natalsikan 'yong kandila, kaya nagkaroon ng explosion," sabi ni Senior Fire Officer 2 Ronnie Anonuevo, hepe ng BFP-Matnog.

• ALAMIN: Mga dapat gawin sa pag-apula ng sunog

Isa pang bahay ang nadamay sa sunog.

• 3 menor de edad, 1 binatilyo patay sa sunog sa Davao City

— Ulat ni Karren Canon

FROM THE ARCHIVES