260,000 plantilla position sa gobyerno, 'di pa napupunan: Lizada

Aleta Nieva-Nishimori, ABS-CBN News

Posted at Aug 01 2020 05:48 PM

Watch more in iWant or TFC.tv

MAYNILA – Hinikayat ng Civil Service Commission (CSC) na isapubliko ng mga ahensiya ng gobyerno ang kanilang mga bakanteng posisyon para mapunan ng mga taong nangangailangan ng trabaho lalo na sa gitna na pandemya. 

Ayon kay CSC Commissioner Aileen Lizada, mayroong 260,974 bakanteng plantilla positions ngayon sa gobyerno mula Region 1 hanggang Bangsamoro region.

“Sa lahat ng heads of agencies na nakikinig, please open up, I-public ang ating mga positions, ‘wag tayong magre-reserve ng mga position sa mga kakilala natin. We need people onboard para marami rin tayong matulungan,” pahayag ni Lizada sa panayam sa ABS-CBN Teleradyo Sabado ng tanghali. 

“Ito pong 260,974 plantilla positions dapat po pinupuno ito ng mga government agencies to eliminate our JOs (Job Orders), to eliminate our contract of services. Kung qualified naman po sila, let us open up and fill-up our vacant positions kasi maraming naghahanap ng trabaho, maraming hirap ngayon at kung qualified naman sila let government help them,” sabi ni Lizada.
 
Sakto rin aniya na may gagawing 5-day 2020 Government Online Career fair sa Setyembre 14 hanggang 18. 

“We need government agencies to enrol starting July 1 to August 14 ang registration. We need to reach out to iba-ibang ahensiya ng gobyerno, mga LGUs, please enroll or register your agency sa 2020 Government Online Career Fair,” sabi niya. 

Sa ngayon, nasa 34 mga ahensiya pa lamang ng gobyerno ang nakapag-register kabilang ang mga sumusunod: 

  • Land Transportation Office (LTO) Region 1 
  • Local government of Mauban, Quezon 
  • Land Bank of the Philippines 
  • City Government of Palayan, Nueva Ecija 
  • Philippine Children’s Medical Center 
  • Samar Provincial Hospital 
  • National Economic and Development Authority (NEDA) 
  • Masantol High School (formerly Sta. Lucia High School, Pampanga) 
  • Bureau of Jail Management and Penology Mimaropa Region 
  • Department of Education (DepEd) Division - City of Ilagan 
  • DOST Advance Science and Technology Institute 
  • Tourism Promotions Board 
  • Province of Davao del Norte 
  • Philippine Guarantee Corporation 
  • DSWD Central Office 
  • National Security Council 
  • Alaminos City Water District 
  • Government Procurement Policy Board 
  • Professional Regulation Commission
  • Department of Transportation 
  • BJMP-CAR 
  • Philippine Institute of Development Studies 
  • Civil Service Commission 
  • BIR Revenue Region 913 of LaQueMar 
  • Governance Commission for GOCCs
  • University of Science and Technology of Southern Philippines 
  • National Housing Authority 
  • Department of Education (DepEd) Oroquieta City Division 
  • DepEd Bukidnon Division 
  • City Government of Ormoc 
  • Batac National High School 
  • Doctor Jose Fabella Memorial Hospital 
  • Catanduanes State University 
  • Malaybalay City Water District 

 
“Maraming bumabalik ng probinsiya, let us find a way for them to stay there by giving them decent jobs,” sabi niya. 

Sa naturang career fair, kailangang dumaan sa online training ang mga lalahok na ahensiya ng gobyerno para masanay sila sa paggamit ng system sa online career fair. 

Ang mga naghahanap naman ng trabaho ay kailangang may account sa jobstreet.com para makalahok sa 5-day career fair.