Sunog sumiklab sa warehouse sa Maynila

Lyza Aquino, ABS-CBN News

Posted at Jul 30 2020 08:43 AM | Updated as of Jul 30 2020 06:57 PM

MAYNILA - Tinupok ng apoy ang isang commercial area sa Bambang Street, Maynila, Miyerkoles ng gabi. 

Ayon kay Fire Senior Superintendent Geranndie Agonos, District Fire Marshall ng Manila Bureau of Fire Protection (BFP), dalawang malaking warehouse ang nasunog, kung saan 19 na bodega sa loob ang natupok. 

Watch more in iWant or TFC.tv

Sumiklab umano ang apoy sa gitnang bahagi ng warehouse. Agad iniakyat sa ikatlong alarma ang sunog matapos kumalat sa mga katabing bodega. 

Pawang mga tela, laruan, medical supplies at furniture ang laman ng warehouse na pagmamay-ari ng isang Xu Jing Feng. 

Inaalam pa ang posibleng pinagmulan ng apoy at ang kabuuang halaga ng pinsalang dulot nito. 

Bisitahin ang Patrol.PH para sa iba pang mga balita.