Magkapatid patay sa pamamaril sa Cotabato

ABS-CBN News

Posted at Jul 30 2020 02:46 PM

Patay ang 2 lalaki matapos pagbabarilin ng mga hindi pa nakikilalang salarin sa bayan ng Pigcawayan, Cotabato noong Miyerkoles, ayon sa pulisya.

Nilapitan at pinagbabaril ng mga salaring sakay ng puting van at motorsiklo ang magkapatid na sina Ariel Ballescas, 40, at John Michael, 38, pasado alas-11 ng umaga, ayon sa ulat ng Cotabato Provincial Police Office.

Blangko pa ang pulisya sa motibo ng pamamaril at patuloy na iniimbestigahan ang krimen.

-- Ulat ni Lore Mae Andong, ABS-CBN News

Bisitahin ang Patrol.PH para sa iba pang mga balita.