'Napatay na Ozamiz mayor, iba pang kaanak, kabilang sa drug list ni Duterte'

ABS-CBN News

Posted at Jul 30 2017 03:46 PM | Updated as of Jul 31 2017 04:52 PM

Patay si Ozamiz City Mayor Reynaldo "Aldong" Parojinog, Sr., kaniyang asawang si Susan Parojinog, at ilan pang kaanak matapos umanong manlaban habang inihahain ng mga operatiba ang anim na search warrant nitong madaling araw ng Linggo, Hulyo 30, sa Barangay San Roque Lawis, Ozamiz City.

The bloodied body of Ozamiz Mayor Reynaldo "Aldong" Parojinog lies in a stretcher.
Ozamiz Mayor Reynaldo "Aldong" Parojinog's wife Susan lies lifeless on a stretcher.
Blood pools around of Misamis Occidental Board Member Octavio Parojinog who was killed by cops serving search warrants.
An unidentified man lies face down after he was killed in a police raid against the Parojinogs.
A pool of blood surrounds the bodies of 3 men killed in a police raid against the Parojinogs.
An investigator inspects the pieces of evidence seized during a raid of the Parojinog family's properties. Rod Bolivar, ABS-CBN News
This photo from an ABS-CBN source shows a member of the BPAT who was killed in a raid in the properties of the Parojinog family in Ozamiz, Sunday.

Ayon kay Supt. Lemuel Gonda, spokesperson ng Northern Mindanao police, ihahain lang sana ng Regional Criminal Investigation and Detection Group, Misamis Occidental Provincial Police Office, at Ozamiz City Police ang search warrant sa magkakamag-anak nang magpaputok ang mga tauhan ng mga Parojinog.

"Nagkaroon po ng pagpapaputok galing sa security ng mga Parojinog kaya po iyong PNP (Philippine National Police) natin is nag-retaliate," ani Gonda.

Sa pinakahuling tala, umabot na sa 12 ang bilang ng mga napatay sa insidente, kasama na ang mayor.

Bukod sa mga miyembro ng pamilya Parojinog, patay din ang apat na miyembro ng barangay peacekeeping action team na sina Miguel del Victoria, Nestor Cabalan, Daniel Vasquez at isang hindi pa nakikilala.

[Vice Mayor]
Nasa kustodiya naman ng pulisya si Vice Mayor Nova Princess Parojinog na isa sa mga subject ng search warrant.

Si Vice Mayor Nova Princess Echavez-Parojinog kasama ang kapatid na si Reynaldo Parojinog, Jr. sa Ozamiz City Police Station. Photo from: Rod Bolivar

Sinuyod din ng mga awtoridad ang bahay ni dating board member at kasalukuyang city councilor na si Ricardo "Ardot" Parojinog sa Barangay Bagakay kung saan narekober ang isang shotgun, tatlong rocket propelled grenade launchers, dalawang hand grenade, walong M-79 na bala, M-79 na rifle, shabu at mga paraphernalia.

Narekober ng awtoridad ang P1.4 million cash, M-16 rifles, at tinatayang 1/2 kilo shabu mula sa bahay ni Vice Mayor Nova Princess Parojinog. Photo from: Rod Bolivar

Hindi man inabutan ang konsehal sa kanyang bahay, inaresto naman ng mga awtoridad ang limang naroon.

Nakuha rin sa bahay ni Mayor Parojinog ang M-79 rifles, malaking halaga ng pera at shabu.

Sa isang pahayag, sinabi ni Presidential Spokesperson Ernesto Abella na kabilang ang pamilya Parojinog sa listahan ng Pangulo ng mga personalidad na sangkot sa ilegal na kalakalan ng droga.

Aniya, lalong pinatitindi ng administrasyon ang kampanya laban sa ilegal na droga.

--May mga ulat nina Maricel Butardo at Dynah Diestro, ABS-CBN News

Bisitahin ang Patrol.PH para sa iba pang mga balita.