PatrolPH

1 patay, 2 arestado sa operasyon vs droga sa Bulacan

ABS-CBN News

Posted at Jul 24 2022 10:37 PM

Patay ang isang lalaki matapos mabaril ng mga pulis sa anti-illegal drug operation sa Bulacan Biyernes ng gabi, Hulyo 22.

Ayon sa Bulacan Police Provincial Office, nagsagawa ng buy-bust operation ang mga operatiba ng Special Drug Enforcement Unit ng Malolos City Police Station sa Barangay Santor, City of Malolos, Bulacan.

Napatay umano sa engkuwentro si Sherwin Thompson alyas “Wiwin”, 40 anyos na taga-Brgy. Santor, City of Malolos, Bulacan. 

Nakalista ang napaslang bilang Illegal Drug Personality, ayon sa pulisya.

Arestado naman ang 2 pa na kasabwat umano nito.

Narekober sa napatay at naarestong mga suspek ang 3 sachet ng hinihinalang shabu na humigit-kumulang 20 gramo ang bigat.

Ayon sa pulisya, hindi bababa sa P136,000 ang halaga ng umano'y droga. 

Narekober din ang ilang bala at baril, weighing scale, drug paraphernalia at buy-bust money.

- ulat ni Gracie Rutao

KAUGNAY NA ULAT

Watch more News on iWantTFC
Bisitahin ang Patrol.PH para sa iba pang mga balita.