3 'akyat-bahay' arestado sa Quezon City

Tatlong akyat-bahay ang naaresto matapos umanong pagnakawan ang tatlong bahay sa Brgy. Culiat, Quezon City. Kuha sa CCTV ang pagpasok ng isa sa mga suspek, na kumuha ng mga relo at cellphone. Nabawi naman ito ng mga pulis. @ABSCBNNews pic.twitter.com/dBYo3zdQuv

— Jervis Manahan (@JervisManahan) July 20, 2021

Arestado ang 3 tao matapos umanong magnakaw sa mga bahay sa Barangay Culiat, Quezon City.

Nabawi sa mga pinaghihinalaang kawatan ang mga cellphone at relo na kinuha umano nila noong Lunes sa magkakatabing-bahay sa naturang barangay, ayon sa mga awtoridad.

Nahuli sa follow-up operation ng Quezon City Police District ang mga suspek sa pinagtataguan nilang bahay. Natunton umano sila sa tulong ng CCTV footage.

Bukod sa 3 umanong akyat-bahay, hinuli rin ng mga awtoridad ang 2 taong kasama nila sa bahay matapos makuhanan raw ng droga at baril. 

Patong-patong na kaso umano ang haharapin ng mga suspek na ngayo'y hawak ng pulisya.

FROM THE ARCHIVES