Higit 150 tindahan nasunog sa Cotabato City

Hindi bababa sa 150 tindahan ang naabo sa sunog na sumiklab sa isang palengke sa Cotabato City nitong madaling araw ng Martes.

Ayon sa lokal na Bureau of Fire Protection (BFP), umabot ng halos 2 oras bago tuluyang nagdeklara ng fire out ang mga bombero.

Umakyat sa ikalawang alarma ang sunog.

May ilang bombero at fire volunteer na nagtamo ng mga galos pero wala namang residenteng nasugatan, ayon sa BFP.

• ALAMIN: Mga dapat gawin sa pag-apula ng sunog

Patuloy na inaalam ng mga awtoridad ang sanhi ng sunog.

— Ulat ni Chrislen Bulosan

FROM THE ARCHIVES