PatrolPH

ABISO: LRT2 maningingil na ng pasahe sa Antipolo station

Jacque Manabat, ABS-CBN News

Posted at Jul 19 2021 05:48 PM | Updated as of Jul 19 2021 08:27 PM

ABISO: LRT2 maningingil na ng pasahe sa Antipolo station 1
Antipolo station ng LRT-2. Mark Demayo, ABS-CBN News/File

MAYNILA — Nag-abiso ang pamunuan ng LRT-2 na maniningil na sila ngayong Lunes sa biyaheng mula Antipolo station papunta sa Recto station matapos ang 2 linggong libreng sakay kasabay ng pagbubukas nito.

"Yung libre naman, it was announced as part of our opening nung binuksan natin itong system. Part lang ng recess o ceremonies natin na sige, meantime, magbigay muna tayo ng libre for 15 days," paliwanag ni LRT-2 spokesperson Hernando Cabrera.

Magkaiba ang halaga ng pamasahe kung single jouney ang bibilhin kumpara sa stored value. 

Watch more on iWantTFC

SINGLE JOURNET TICKET MULA ANTIPOLO STATION:

  • Antipolo to Recto, Legarda, Pureza: P30
  • Antipolo to V. Mapa, J. Ruiz, Gilmore, Betty Go: P25
  • Antipolo to Cubao, Anonas, Katipunan: P20
  • Antipolo to Santolan, Marikina: P15

STORED VALUE TICKET MULA ANTIPOLO STATION: 

  • Antipolo to Recto: P28
  • Antipolo to Legarda: P27
  • Antipolo to Pureza: P26
  • Antipolo to V. Mapa: P25
  • Antipolo to J. Ruiz: P23
  • Antipolo to Gilmore: P22
  • Antipolo to Betty Go: 21
  • Antipolo to Cubao: P20
  • Antipolo to Anonas: P18
  • Antipolo to Katipunan: P17
  • Antipolo to Santolan: P15
  • Antipolo to Marikina: P13

"Hindi puwedeng tuloy-tuloy na libre. Baka mapilitan tayo tumigil sa operasyon... So we have to earn somehow to earn the subsidy," dagdag ni Cabrera. 

Shuttle train lang ang umaandar sa extension lines. Kaya mula Antipolo station, bababa ang mga pasahero sa Santolan station para makarating sa mga susunod na istasyon.

KAUGNAY NA VIDEO:

Watch more on iWantTFC

Kadalasang naghihintay ang mga pasahero ng 20 hanggang 25 minuto bago makarating ang bagon sa Antipolo station.

Dumepensa naman ang LRT-2 dito. 

"Hindi siya ready in a sense na hindi pa tapos yung intergration, yes. But all other factors, ready na siya. Andyan na ang teller natin, fully-integrated na ang power system, intergrated na telecommunications. Ang naiwan lang ay yung signalling (system of the railways)," ani Cabrera.

Ang LRT-2 ay may average na 40,000 pasahero, pinakamababa kumpara sa 2 pang state-run railways na MRT3 at LRT1 na pumapalo sa 6 digits.

Bisitahin ang Patrol.PH para sa iba pang mga balita.