3 turista mula Cavite huli sa pagsumite ng pekeng RT-PCR test sa Boracay

Boracay, Aklan - Arestado ang tatlong turista matapos mahuling gumamit ng pekeng RT-PCR test result para makapasok sa isla ng Boracay, sa Aklan, Miyerkoles ng umaga Hulyo 14.

• Boracay tourists who fake COVID-19 tests will be declared persona non grata: mayor
• No to trouble in paradise: Boracay community appeals to tourists not to fake COVID tests

Ayon sa Malay PNP, nakatanggap sila ng ulat galing sa Aklan Provincial Tourism Validating Office na may tatlong turista ang nakapasok sa isla na gumamit ng pekeng RT-PCR test results.

Kaagad na pinuntahan ng awtoridad ang hotel kung saan nanatili ang tatlong turista at dinala sa istasyon ng pulis.

• 4 na turistang nameke ng RT-PCR result para makapasok sa Boracay, arestado

Sa imbestigasyon ng Malay PNP, nagmula sa Silang, Cavite ang tatlong turista na isang lalaki at dalawang babae.

Dinala na sa quarantine facility sa bayan ng Kalibo ang tatlong turista, na nakatakdang sampahan ng kasong paglabag sa RA 11331 at Article 175 ng Revised Penal Code.

-- Ulat ni Rolen Escaniel 

KAUGNAY NA VIDEO: