PatrolPH

Abo ni Atty. John Laylo naihatid na sa huling hantungan

ABS-CBN News

Posted at Jul 12 2022 03:08 AM

MAYNILA—Inihatid na sa huling hantungan ang mga abo ni Atty. John Albert Laylo sa National Shrine of the Sacred Heart sa Makati City, Lunes ng hapon. 

Bago nito, nagdaos muna ng isang celebration of life o paggunita sa naging buhay ng abogado sa New Life-Alabang simula alas-10 ng umaga hanggang alas-4 ng hapon.

Tanging hiling ni Leah Laylo, ina ni Atty. John, ay ang pagkakaroon ng malakas na kalusugan para sa kanyang pamilya.

"I wish to live for 30 more years so I can be able to take care of my family. I wish to be more strong physically, emotionally and mentally," aniya.

Hiling din ng pamilya ang agarang pagkamit ng hustisya para sa pagkamatay ng abogado.

Matatandaang nitong June 18 ay magkasama ang abogado at kanyang ina na nagbabaksyon sa Philadelphia, nang pagbabarilin ng hindi pa nakikilalang salarin ang kanilang sasakyan.

Patuloy naman ang imbestigasyon ng mga awtoridad na kinumpirmang kaso ng "mistaken identity" ang insidente.

Kumikilos na rin ang mga kaibigang abogado ni Laylo rito sa Pilipinas upang tumulong sa pagkamit ng agarang hustisya.—Ulat ni Reiniel Pawid, ABS-CBN News

Bisitahin ang Patrol.PH para sa iba pang mga balita.