PatrolPH

2 bar sa QC pinasara dahil sa paglabag sa health protocol

ABS-CBN News

Posted at Jul 12 2021 07:59 PM

Watch more on iWantTFC

Ipinasara ng lokal na pamahalaan ang 2 bar sa Quezon City matapos mag-viral ang video kung saan makikitang nagpa-party ang kanilang mga kostumer at nababalewala ang health protocols.

Lantarang paglabag sa health protocol kung ilarawan ng Quezon City Business Permit and Licensing Division (BPLD) ang kumalat na mga video ng nangyaring party sa mga resto-bar sa Tomas Morato at Del Monte Avenue.

Ayon sa manager ng bar sa Tomas Morato, sumusunod sila sa health protocols.

Ipinakita pa ng manager ang barriers sa mga lamesa bilang patunay ng pagsunod sa mga protocol.

Pero ayon sa BPLD, makikita sa video na tila hindi naman nagamit ang mga barrier.

Nilinaw naman ng BPLD na bagaman niluwagan ang community quarantine status sa Metro Manila, hindi nangangahulugang puwede nang magbukas ang mga bar at mag-party.

Patuloy naman ang monitoring ng lokal na pamahalaan sa mga establisimyento para maiwasan ang paglabag sa health protocol.

— Ulat ni Zyann Ambrosio, ABS-CBN News

Bisitahin ang Patrol.PH para sa iba pang mga balita.