Barangay captain sa N. Samar, patay matapos barilin ng mga hinihinalang NPA

Patay matapos pagbabarilin ang kapitan ng Barangay San Andres, Las Navas, Northern Samar nitong Sabado, sabi ng pulisya.

Nangyari ang pamamaslang kay Crispin Mordido, 37, sa Barangay Lourdes ng nasabing bayan, bandang alas 12:40 ng hapon, ayon sa ulat ng pulisya.

Base sa report mula sa Police Regional Office 8, pinagbabaril si Morbido ng hindi pa mabilang na mga umano'y miyembro ng New People's Army.

• CPP, NPA take 'full responsibility' for Masbate blast killing football player, cousin

Nagtamo ang biktima ng mga sugat sa iba't ibang bahagi ng katawan na naging sanhi ng kanyang pagkamatay.

Sa ngayon, hindi pa malinaw ang motibo ng krimen.

• 5 hurt in 'NPA ambush' in Samar
• Pulis patay sa pananambang umano ng mga miyembro ng NPA sa Samar

- Ulat ni Sharon Evite

MULA SA ARCHIVES