Matapos ang ilang linggo, price rollback sa ilang produktong petrolyo inaasahan

Pagkatapos ng siyam na sunod-sunod na linggong may oil price hike, may rollback sa presyo ng produktong petrolyo simula Martes, Hulyo 7. 

Sa wakas!!! May GOOD NEWS naman sa presyo ng petrolyo sa susunod na linggo.

Eto estimate ng ROLLBACK:

Gasolina P0.70-P0.80/L ⬇️
Kerosene P0.30-P0.40/L ⬇️
Diesel - walang galaw pic.twitter.com/f7g1kvJoii

— alvin elchico (@alvinelchico) July 4, 2020

Maglalaro sa P0.70 hanggang P0.80 kada litro ang bawas-presyo sa gasolina. 

Nasa P0.30 hanggang P0.40 kada litro naman ang bawas-presyo sa kerosene.

Wala namang inaasahang galaw sa presyo ng diesel dahil napako ang presyo nito sa World Market. 

Sa kabuuan, mula Mayo 5, kapag sinuma ang lahat ng naging oil price hike, umabot ito nang mahigit P10 kada litro sa gasolina, mahigit P8 sa diesel, at halos P9 sa kerosene.

-- Ulat ni Alvin Elchico, ABS-CBN News