PatrolPH

Fully-vaccinated Pinoys mula 'green countries' pinaikli ang quarantine sa Pilipinas

ABS-CBN News

Posted at Jul 01 2021 09:37 PM

Watch more on iWantTFC

MAYNILA — Simula Hulyo 1, mas maikling quarantine period na ang ipatutupad para sa mga uuwing Pilipinong nabakunahan abroad na galing sa maituturing na "green countries" o mga bansang sinasabing low risk sa COVID-19.

Limampu’t pitong bansa ang kabilang dito base sa listahang inilabas ng pamahalaan: 

  •  Albania
  •  American Samoa
  •  Anguilla
  •  Antigua and Barbuda
  •  Australia
  •  Benin
  •  Belize
  •  The British Virgin Islands
  •  Brunei
  •  Burkina Faso
  •  Burundi
  •  Cayman Islands
  •  Chad
  •  China
  •  Cote d’Ivoire (Ivory Coast)
  •  Eswatini
  •  Falkland Islands
  •  French Polynesia
  •  Gambia
  •  Ghana
  •  Greenland
  •  Grenada
  •  Hong Kong
  •  Iceland
  •  Isle of Man
  •  Israel
  •  Laos
  •  Liberia
  •  Malawi
  •  Malta
  •  Marshall Islands
  •  Mauritius
  •  Micronesia
  •  Montserrat
  •  Morocco
  •  Mozambique
  •  New Caledonia
  •  New Zealand
  •  Niger
  •  Nigeria
  •  Northern Mariana Islands
  •  Palau
  •  Rwanda
  •  Saba
  •  Saint Barthelemy
  •  Saint Kitts and Nevis
  •  Saint Pierre and Miquelon
  •  Sierra Leone
  •  Senegal
  •  Singapore
  •  Sint Eustatius
  •  South Korea
  •  Taiwan
  •  Togo
  •  Turks and Caicos Islands (UK)
  •  Vietnam
  •  Zimbabwe

Pitong araw na lamang mula sa dating 10 ang ilalagi sa quarantine facility ng mga nakakumpleto na sa doses ng bakuna kontra COVID-19 sa mga tinaguriang green countries.
 
Sasailalim ang mga uuwing indibidwal sa RT-PCR test sa ikalimang araw mula sa kanilang pagdating sa bansa.
 
Kahit pa negatibo ang resulta ng kanilang swab test, kailangan pa rin nilang tapusin ang 7 araw sa loob ng quarantine facility. Ang natitira ay home quarantine na lamang.

Hindi naman kasama sa listahan ang ilang bansang may malalaking Filipino communities at agresibong COVID-19 vaccine rollout, gaya ng Amerika.
 
Kaya ang ilang Pilipino doon, dismayado sa desisyon ng pamahalaan, lalo’t karamihan sa kanila ay fully-vaccinated na.

Bukod sa magastos, mauubos din daw ang kanilang bakasyon sa loob ng isolation facility.
 
Pero paliwanag ni Health Secretary Francisco Duque III, hindi kasama sa listahan ang Amerika dahil sa presensiya ng Delta variant doon.
 
"USA has now 30 percent reported cases due to Delta variant. So nakakatakot din 'yan. We cannot just say, 'O sige sige, mataas ang vaccination rate niyo' but the fact is, nandiyan pa rin ang Delta variant sa kanila," giit ni Duque.

—Ulat ni Bianca Dava, ABS-CBN News 
 

Bisitahin ang Patrol.PH para sa iba pang mga balita.