Sunog sumiklab sa Sampaloc; University of Manila nadamay na rin

ABS-CBN News

Posted at Jul 01 2018 07:49 PM | Updated as of Jul 01 2018 11:26 PM

MAYNILA -- (UPDATED) Nasunog ang isang residential area sa Legarda, Sampaloc Linggo ng gabi. 

Nagsimula ang sunog pasado alas-6 ng gabi sa pagitan ng Delgado at Delos Santos Streets. 

Nadamay na rin ang bahagi ng University of Manila sa laki ng apoy.

Itinaas na ang sunog sa Task Force Alpha. Ibig sabihin hindi bababa sa 17 firetrucks ang kailangang rumesponde. 

Idineklarang kontrolado ang sunog bandang 9:44 ng gabi.

Nadamay rin sa sunog ang barangay hall ng Barangay 402, Zone 42 sa dulo ng Delgado Street.

Isinara na ang kalye sa bahagi ng Legarda kanto ng Earnshaw sa Maynila.

Pinapayuhan ang mga motorista na iwasan muna ang lugar habang inaapula ang sunog. -- ulat nina Ron Lopez at Anjo Bagaoisan, ABS-CBN News

Bisitahin ang Patrol.PH para sa iba pang mga balita.