Duterte, nagpupuyos sa mga nasa likod ng 'Bulacan massacre'

ABS-CBN News

Posted at Jul 01 2017 09:21 PM | Updated as of Jul 02 2017 12:52 AM

Galit si Pangulong Rodrigo Duterte sa mga taong nasa likod ng pagpatay sa limang miyembro ng pamilya sa San Jose del Monte, Bulacan.

Sa founding anniversary ng probinsya ng Davao del Norte, hindi naiwasan ng pangulo na ilabas ang galit sa lalaking umamin sa pagpatay sa limang miyembro ng pamilya Carlos, kabilang ang tatlong bata.

Una na ring inamin ng suspek na si Carmelino Ibañez na naka-droga siya bago ang krimen. 

“The grandmother, wife, three children, patay. Anong sinabi, ‘trip trip lang iyon, sir’… Sino namang maligayahan na makita ka na buhay ka? ani Duterte.

Samantala, itinuturing na rin ngayong suspek ng pulisya ang dalawang persons of interest na iniugnay ng naarestong si Ibañez sa karumal-dumal na pagpatay sa limang miyembro ng pamilya sa San Jose del Monte nitong Martes. 

Sa panayam ng DZMM, sinabi ni San Jose del Monte Chief of Police Fitz Macariola na suspek na rin sa krimen sina alyas "Tony" at alyas "Inggo."

Bisitahin ang Patrol.PH para sa iba pang mga balita.