P10 milyong halaga ng 'smuggled' na sibuyas mula China nasabat sa Maynila

Nakasabat ang mga tauhan ng Bureau of Customs ang mga smuggled na sibuyas na galing China sa Manila International Container Port (MICP), sabi ng ahensya ngayong Miyerkoles. 

• Warehouse ng umano'y smuggled na mga face shield, sinalakay ng NBI at Customs
• Senator questions possible smuggling of 30 million kilos of pork in 2020

Ayon sa Customs, nagkakahalaga ng P10 milyon ang naturang mga kontrabandong kanilang natuklasan noong Lunes, ika-28 ng Hunyo, at naka-consign sa E. Austero Merchandising.

"MICP District Collector Romeo Allan R. Rosales reiterated the Port's commitment to prevent the entry of all illegal goods including Agricultural products which are meant for human consumption and do not have the necessary permits to ensure the safety of such items," sabi ng pahayag ng Customs.

P10 milyon halaga ng smuggled na sibuyas mula sa China, nasabat ng BOC sa Manila International Container Port.

Ayon sa BOC, idineklara ang shipment bilang ice cream at naka-consigned sa E. Austero Merchandising.

📷: BOC pic.twitter.com/Q6xJaJi3eL

— Johnson L. Manabat (@JohnsonManabat) June 30, 2021

Idineklara umano ang mga ito bilang ice cream pero nalaman ang tunay na laman ng shipment nang isailalim sa non-intrusive at 100 porsiyentong examination. 

Agad na naghain ang Customs ng warrant of seizure and detention laban sa nasabing shipment dahil sa paglabag sa Customs Modernization and Tariff Act.

-- Ulat ni Johnson Manabat, ABS-CBN News