PatrolPH

Higit 2,000 walk-in vaccination slots, bubuksan sa Navotas

ABS-CBN News

Posted at Jun 29 2021 06:52 AM | Updated as of Jun 29 2021 07:06 AM

Watch more on iWantTFC

MAYNILA—Higit 2,000 walk-in vaccination slots ang bubuksan sa Navotas City ngayong Martes, ayon sa lokal na pamahalaan.

Sisimulan ito ala-1 hanggang alas-3 ng hapon, ayon sa city government sa mga susunod na vaccination sites kung saan Sinovac ang available na bakuna: 

  • Daanghari Elementary School 
  • Kaunlaran High School
  • Navotas fish port complex
  • San Jose Academy
  • Tansa Elementary School 
  • Tangos National High School
  • Tumaana Health Center

Kailangan lamang magdala ng ID o valid document na nagpapatunay na residente o nagtatrabaho sa lungsod ng Navotas.

May naka-schedule naman na babakunahan ng Pfizer sa Navotas City Hospital, kung saan bawal magwalk-in.

Halos 100,000 na ang nabakunahan sa lungsod, ayon sa lokal na pamahalaan.

Samantala, sa Caloocan Central Elementary School naman, maaga pumila ang mga residente dahil limitado ang 500 slots, kung saan 100 dito ay nakalaan sa seniors.

Kailangan lamang magpresenta ng ID at certificate of indigency na galing sa kanilang barangay. Magsisimula ang pagbabakuna alas-8 ng umaga, Martes. — Ulat nina Lyza Aquino at Jervis Manahan, ABS-CBN News

Watch more on iWantTFC
Bisitahin ang Patrol.PH para sa iba pang mga balita.