Deputy city prosecutor patay sa pamamaril sa Apayao

Patay ang isang deputy city prosecutor matapos pagbabarilin ng mga di kilalang salarin sa Conner, Apayao, Miyerkoles ng hapon.

Ayon sa pulisya, pinagbabaril si Victor Begtang Jr. malapit sa bahay niya sa Brgy. Malama alas 2:20 ng hapon.

Nagtamo ng apat na tama ng bala sa katawan ang biktima na naisugod pa sa Conner District Hospital pero pumanaw din. 

Deputy city prosecutor ng Ilagan City, Isabela ang biktima.

Patuloy ang imbestigasyon sa naturang krimen.

• More lawyers killed during Duterte admin than under previous 6 presidents combined - study

—Ulat ni Harris Julio

KAUGNAY NA BALITA