PatrolPH

Container van, nahulog sa CAVITEx

Anjo Bagaoisan, ABS-CBN News

Posted at Jun 23 2021 03:16 AM

MAYNILA - Inabot ng pasado hatinggabi ang pagtanggal sa container van na nahulog sa gilid ng kurbada ng tulay sa CAVITEx Road papunta ng Las Piñas at Bacoor City, Cavite noong Martes.

Naglalaman na mga airconditioning unit ang container van na tumagilid at tumaob sa damuhan ng kurbada bago mag-alas-4 ng hapon.

Nayupi ang bakod ng kurbada. Walang nasaktan sa insidente at hindi nagdulot ng pagbigat ng traffic.

Ayon sa CAVITEx, nagsimulang alisin ang container van ng 12:16 am at tuluyan nang natanggal pasado ala-1 o 9 na oras mula nang tumagilid.

Sabi ng traffic monitoring ng tollway, karaniwang mga container van ang natatagilid sa kurbada, karaniwan dahil sa bigat.

Noong Hunyo 18, humambalang sa isang lane sa parehong kurbda ang isa pang tumaob na container van.

Umaga pa tumagilid ito pero inabot na ng sumunod na madaling-araw bago siya natanggal.

Bisitahin ang Patrol.PH para sa iba pang mga balita.