Cardinal Tagle, hinimok na manindigan vs Duterte

ABS-CBN News

Posted at Jun 22 2018 12:51 AM

Watch more in iWant or TFC.tv

Hinikayat nitong Huwebes ng ilang miyembro ng Simbahang Katolika si Manila Archbishop Luis Antonio Cardinal Tagle na pangunahan ang paglaban sa "mapang-abusong" panunungkulan ni Pangulong Rodrigo Duterte.

"I cannot accept anymore the way he (Duterte) is treating the Church," ani Sister Teresita Alo ng Franciscan Sisters of the Immaculate Conception.

"We're waiting for Cardinal Tagle but until now he does not really call the religious to come up despite the three priests who were killed," dagdag ni Alo.

Kabilang sa mga pari na pinatay ng mga hindi pa nakikilalang mga suspek ay sina Rev. Fr. Richmond Nilo, Rev. Fr. Mark Anthony Ventura, at Rev. Fr. Marcelito Paez.

Sinang-ayunan ito ni Father Robert Reyes na nagdaos ng misa sa harap ng Korte Suprema para igiit ang hustiya para sa mga napatay na pari.

"Cardinal Tagle is very careful, a prophet is not careful," saad ni Reyes.

Giit naman ng Simbahan, laging nagsasalita si Tagle laban sa sunod-sunod na karahasan at pag-atake sa mga pari.

"He has entered into dialogues, he has encouraged circles of discernment in parishes and church, [he has] run institutions to study, reflect, and discern courses of actions," anang isang mataas na opisyal ng Simbahan na humiling na huwag nang pangalanan.

"He has been communicating with the Bishops of the [killed] priests and has quietly offered assistance to the dioceses involved," dagdag nito.

Ika-13 death anniversary

Muling inalala si Cardinal Jaime Sin na yumao 13 taon na ang nakalilipas.

"Kung buhay si Cardinal Sin ngayon sasabihin niya, 'Duterte tumigil ka na'," ani Reyes.

Muli ring binalikan ang pangunguna Sin sa pagpapatalsik sa dating Pangulong Ferdinand Marcos.

"If Cardinal Sin were here, he would really be with us," ani Alo na nakasama ni Sin sa 1986 EDSA People Power revolution.

Pag-aarmas sa mga pari

Hiniling naman ng ilang kasapi ng Simbahan na talakayin ang pag-aarmas sa mga pari, pastor, at ministro.

Ito ay matapos makatanggap ang Philippine National Police (PNP) ng higit 200 aplikasyon mula sa mga klero na humihingi ng permiso na makapagdala ng baril sa labas ng tahanan.

"Ako hindi ko nakikitang kailangan ng kapasturan na humawak ng baril," ani Pastor Jack Alvarez ng Philippine Council for Evangelical Churches.

-- Ulat ni Sherrie Ann Torres, ABS-CBN News

Bisitahin ang Patrol.PH para sa iba pang mga balita.