Pinaghihinalaang 'shabu' na may halagang P258-M, nakuha sa condo sa Maynila

MAYNILA - Nasamsam ng mga awtoridad ang nasa 38 kilo ng hinihinalang shabu sa isang condominium building sa Remedios St., Malate, Maynila nitong Lunes.

Tinatayang nagkakahalaga ng P258 milyon ang droga na narekober ng mga tauhan ng Philippine Drug Enforcement Agency at Manila Police District.

Sa bisa ng search warrant na inisyu ng Manila Regional Trial Court, nakuha ang droga sa isang unit sa 16th floor ng nasabing condo at sa loob ng isang van na nakaparada sa 3rd level.

38 kilo ng shabu nag nagkakahalaga ng P258M, nasabat ng PDEA at MPD sa isang condominium sa Malate, Maynila @ABSCBNNews pic.twitter.com/7JGFrnf8Ao

— Jerome Lantin (@JeromeLantin) June 21, 2021

Ayon kay PDEA director-general Wilkins Villanueva, nag-ugat ang operasyon matapos nilang maaresto noong isang linggo ang isang Chinese national na kinilalang si Sy Zhunchen.

Nakuha ng mga awtoridad ang nasa 155 kilo ng umano'y shabu sa magkakasunod na operasyon na iyon sa Paranaque, Las Pinas at Imus City sa Cavite.

LINKS

• 155 kilos of 'shabu' worth over P1-B seized in 2 drug busts
• PNP chief orders immediate destruction of P1 billion worth of shabu

KAUGNAY NA ULAT

- May ulat nina Jerome Lantin, ABS-CBN News; at Mores Heramis