Barangay chairman sa Laguna, patay sa pananambang

MAYNILA (UPDATE)- Patay sa pananambang ang barangay chairman ng Barangay San Antonio sa bayan ng Kalayaan, Laguna nitong Huwebes ng hapon.

Patay sa ambush ng riding-in-tandem ang Brgy. Chairman ng Brgy. San Antonio, Kalayaan, Laguna at tumatayong ABC President na si Froilan Reyes.
Ayon sa Laguna PNP, sakay ang biktima ng Isuzu crosswind ng pagbabarilin sa National Highway, Purok 7, Brgy. Longos sa bayan ng Kalayaan.

— Dennis Datu (@Dennis_Datu) June 18, 2020

Sa inisyal na impormasyon, sakay ang biktimang si Froilan Reyes, 48, sa kaniyang sasakyan nang pagbabarilin siya sa highway sa bahagi ng Barangay Longos sa Kalayaan ng dalawang di pa nakikilalang lalaki na sakay ng motorsiklo.

Nadala pa ang biktima sa Pagsanjan Medical Clinic pero namatay rin siya.

Kasalukuyang iniimbestigahan na ng pulisya ang krimen.--May ulat ni Andrew Bernardo, ABS-CBN News