COVID-19 patient nanganak sa quarantine facility sa Leyte

Nanganak ang isang 36 anyos na babaeng COVID-19 patient sa quarantine facility sa Tolosa, Leyte, Huwebes ng umaga.

Ayon sa MDRRMO Tolosa, sumailalim sa RT-PCR test ang babae bilang requirement ng mga hospital bago sana siya manganak. 

Pero nagpositibo siya sa COVID-19 kaya dinala siya ng MDRRMO Tolosa sa quarantine facility ng bayan noong Miyerkoles.

Bago mag-alas 6 ng umaga nitong Huwebes, inabutan ng panganganak ang ginang. Ayon sa mga awtoridad, isang malusog na batang lalaki ang naipanganak sa pamamagitan ng normal delivery.

Mananatili muna sa quarantine facility ang mag-ina hanggang matapos ang kanilang 14-day quarantine.

• 'May sinumpaan kami': Nars tinulungan ang street dweller na manganak sa bangketa

— Ulat ni Sharon Evite

KAUGNAY NA BALITA