Anak ng barangay chairman sa Capiz na suspek sa pamamaril, kinasuhan, tinutugis

Kinasuhan ng pulisya ng double murder nitong Martes ang anak ng pisang barangay chairman na suspek sa pamamaril sa mag-asawang vendor sa Pontevedra, Capiz. 

Pinagbabaril umano ni Restituto Oquendo Jr., anak ng chairman ng Barangay Hipona, ang mag-asawang Noli at Juara Navarro na nagtitinda ng karne ng baboy at mga gulay noong Hunyo 9. 

Ayon sa Pontevedra PNP, kinasuhan ang suspek matapos magbigay ng kanilang sinumpaang salaysay ang apat na saksi sa pamamaril. 

• Lalaking iihi patay sa pamamaril sa Davao del Sur
• Lolo patay nang barilin umano ng nakababatang kapatid sa Capiz

Napag-alamang kaagad na tumakas ang suspek matapos magawa ang krimen at hanggang ngayon ay nanatiling malaya matapos mabigong mahuli ng awtoridad sa isinagawang hot pursuit operation.

Hustisya ang isinisigaw ng pamilya ng mga namatay. Panawagan nila sa suspek na harapin ang isinampang kaso.

— Ulat ni Rolen Escaniel

KAUGNAY NA VIDEO: