MAYNILA — Nilinaw ng Malacañang nitong Huwebes na hindi lahat ng online sellers ay sakop ng bagong patakaran ng Bureau of Internal Revenue (BIR) ukol sa pagrerehistro at pagbubuwis.
Noong Miyerkoles ay naisapubliko ang bagong memorandum ng BIR kung saan inaatasan nito ang mga nasa e-commerce na magrehistro sa kanila hanggang Hulyo 30.
"All those who will register their business activity and/or update their registration status not later than July 31, 2020 shall not be imposed with penalty for late registration," anang BIR.
Hinihikayat din ng ahensiya na ideklara ng mga ito ang kanilang mga naging transaksiyon para mabuwisan.
Pero paglilinaw ni Presidential Spokesman Harry Roque, hindi kasama dito ang mga online business na kumikita nang P250,000 pababa sa loob nang isang taon.
"If your online business' net income does not exceed P250,000 eh wala po talaga kayo ibabayad," ani Roque.
Noong lockdown ay sumirit ang bilang ng online selling dahil maraming Pinoy ang nakatengga sa bahay.
—Mula sa ulat ni Arianne Merez, ABS-CBN News
Bisitahin ang
Patrol.PH para sa iba pang mga balita.
PatrolPh, Tagalog news, balita, Bureau of Internal Revenue, BIR, Malacañang, buwis, tax