DSWD office sa Albay ninakawan ng P1 milyong halaga ng cash aid

Nasa P1 milyong pondo ang ninakaw mula sa isang opisina ng Department of Social Welfare and Development sa Rawis, Legazpi City sa Albay.

Kinumpirma ito ni DSWD Bicol assistant regional director for administration Michael Bellena nitong Huwebes.

Martes ng hapon umano nang madiskubre ng isa sa kanilang mga empleyado ang kulang na P1 milyon sa vault na inilaan para sa kanilang mga kliyenteng humihingi ng financial assistance.

Hindi pa makapagpalabas ng detalyadong impormasyon ang ahensiya at patuloy pa ang imbestigasyon sa pangyayari. 

—Ulat ni Karren Canon

• City hall ng Baguio City, ninakawan

KAUGNAY NA BALITA