Aabot sa 88,677 trabaho ang alok sa job fair na idaraos ng Department of Labor and Employment sa Independence Day sa Hunyo 12.
Sa bilang na iyon, 80,627 ang local employment na karamihan ay nasa manufacturing, business process outsourcing, construction, at logistics.
Nasa 8,050 naman ang puwedeng apply-an sa overseas employment.
Sa Bulacan Capitol Gymnasium ng Malolos idaraos ang main event pero may kaniya-kaniyang venue ang lahat ng rehiyon na maaaring makita sa website ng DOLE Bureau of Local Employment.
Karamihan sa job fair ay face-to-face pero may ilang lugar na humiling na magkakaroon pa rin ng online job fair.
— Ulat ni Zen Hernandez, ABS-CBN News
Bisitahin ang
Patrol.PH para sa iba pang mga balita.