26 babae na ibinubugaw sa Antipolo nasagip

ABS-CBN News

Posted at Jun 07 2019 04:36 AM | Updated as of Jun 07 2019 09:10 PM

Watch more in iWant or TFC.tv

MAYNILA - Nasagip sa tangkang pambubugaw ang 26 na babae sa magkahiwalay na operasyon sa Antipolo, Rizal Huwebes ng gabi.

Ikinasa ng Women and Children Protection Center (WCPC) ng Philippine National Police (PNP) ang operasyon laban sa 2 suspek na nagre-recruit ng mga biktima gamit ang social media.

Ayon kay Kimberly Ortega ng Antipolo City Social Welfare and Development, 14 sa mga babae ay menor de edad.

Kuwento ng 2 suspek, sila ang nagdadala ng mga babae sa mga resort upang ipakilala sa mga parokyanong lalaki.

Ayon naman sa ilang biktima, inimbitahan lang sila na mag-swimming kaya laking gulat nila nang malaman na ibinubugaw pala sila. 

"Niyaya ako na birthday daw ng kaibigan, sabi inuman lang," ani ng isang babae.

Isasailalim sa intervention program ang mga biktima habang sasampahan ng kasong human trafficking with exploitation ang 2 suspek. - Ulat ni Ernie Manio at Lyza Aquino, ABS-CBN News

Bisitahin ang Patrol.PH para sa iba pang mga balita.