Bahagi ng bundok sa Aklan gumuho dahil sa pag-ulan

Pansamantalang hindi madaanan ang kalsada sa Brgy. Gibon, Nabas, Aklan, nitong Sabado ng tanghali matapos gumuho ang bahagi ng bundok at tumabon sa kalsada.

Inabisuhan na ng mga awtoridad ang mga motorista na papuntang Boracay na pansamantalang dumaan muna sa Libertad, Antique, para sa alternatibong ruta.

Patuloy pa ang ginagawang clearing operation ng DPWH Aklan, MDRRMO Nabas at Nabas Engineering Office para makuha ang mga nakahambalang na lupa sa kalsada.

Gumuho ang lupa sa lugar matapos ang ilang araw na pagbuhos ng ulan dahil sa bagyong Betty.

• Betty leaves Philippine area, to keep enhancing habagat
• Betty leaves minimal damage in PH; 77,000 people affected in 6 regions

— Ulat ni Rolen Escaniel