PatrolPH

Lolang pinatay ng pulis nakatakdang iburol Miyerkoles; CHR nag-iimbestiga na

Jervis Manahan, ABS-CBN News

Posted at Jun 02 2021 05:25 AM | Updated as of Jun 02 2021 07:25 AM

Watch more on iWantTFC

Ala-1 ng hapon ngayong Miyerkoles ibuburol si Lilibeth Valdez, ang 52-anyos na lolang pinatay ng lasing na pulis sa Barangay Greater Fairview, Quezon City nitong Lunes.

Sa maliit na bakanteng lote ibuburol si Valdez malapit sa kanilang bahay, ilang hakbang mula sa lugar kung saan siya pinatay sa Sitio Ruby, na naging tahimik magdamag.

Hindi pa rin nagbigay ng panayam ulit ang kanyang mga kaanak.

Samantala, nagbantay naman ang mga tanod dito.

Sa ngayon, nagsasagawa na rin ng imbestigasyon ang Commission on Human Rights (CHR) sa insidente.

Pulis kasi ang bumaril at mandato ng CHR na imbestigahan ang mga pagmamalabis at pagpatay ng state forces o ng estado.

Hinihimok ng CHR ang PNP na ipatupad ang internal cleansing para mabawasan na ang human right violations sa bansa.

Kinumpirma naman ng suspek na si Police Master Sgt. Hensie Zinampan sa ABS-CBN News na naipong galit nga ang dahilan bakit niya binaril ang babae.

Kinasuhan na ng murder ang pulis, habang wala na sa Sitio Ruby ang mga kaanak ng pulis.

Bisitahin ang Patrol.PH para sa iba pang mga balita.